جاري تحميل ... مكسبي سبورت

إعلان الرئيسية

إعلان في أعلي التدوينة

مقالات

محمد شريف vs شيكابالا في مباراة القمة المصرية

 

الأهلي والزمالك

كتب: مصطفي حسن

محمد شريف أول ما جاب الجون جري راح ل كهربا زميله اللي بيلعب معاه فالمراكز اللي بيلعب فيها واللي كان قايله انك هتسجل أنهارده واللي كان فرحان ب تسجيله كأنه هو اللي سجل وفالجون التاني وقف مكانه ف نص الملعب مراحش ناحيه جمهور ودكه المنافس زي شيكا الاسطوره عمل.


محمد شريف ده راجل لسه ٢٤ سنه وبيلعب أول ماتش قمه ليه وجاي من بعيد بعد ما كان قاعد عالدكه والكل كان شايف انه مظلوم يعني عنده دوافع وضغوط كبيره جدا عليه مع صغر سنه ومع تسجيله ل هدفين منهم واحد مشوفتش زيه لمهاجم فالاهلي من ١٠ سنين كنا ممكن نبص نلاقيه بيشاور انه قد ايه هو جامد ومظلوم وشايفين انا بعمل ايه وبتاع .


الناحيه التانيه كابتن نادي الزمالك اللي مفروض أكبرهم واكثرهم خبره وعقل واللي لسه خسران افريقيا وخارج من افريقيا اللي بعدها وبيسجل أول هدف ليه قصاد الاهلي فالدوري رغم انه بيلعب ديربيات من حوالي ١٤ سنه .. بيسجل هدف التعادل بيجري يشاور بردو للجمهور المنافس وللكاميرات قد ايه هو جامد وقد ايه انا واحد بس مفيش مني اتنين وحركات كلها غرور واستفزاز بشكل متكرر من واحد مفترض انه بيزعل لم بيسئ ليه.


 كابتن نادي الزمالك مخدش باله ان ايمن اشرف فاتح ناحيته شارع وأنه سبب رئيسي فالفضيحه اللي كانت مفترض تحصل الشوط الاول وانه مبيعملش اي حاجه فالملعب وانه واقف مش بيدافع وانه مش مشكل اي خطوره عالمرمي وملوش اي دور ف صناعه اللعب وانه هدفه ده هدف التعادل مش جون الصعود للمونديال وانه قصاد فرقه بتلعب ب نص قوتها.


كابتن نادي الزمالك مش عايز يصدق انه وشه حلو علينا واننا اكتر ناس فرحانين بوجوده وانه لازم يستمر بالدماغ دي عشان يعلم أجيال ناديه الجايه كل شئ ف مصلحتنا ❤️ 

الوسوم:

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *

موقع مكسبي سبورت يقدم احدث الاخبار الحصرية الخاصة بكل مجالات الرياضة في كافة انحاء العالم وخصوصا مصر بما فيها من احداث رياضية كروية ، كما نهتم بتقديم كافة الاخبار العالمية في جميع البطولات الهامة والتي تتمثل في بطولة كاس العالم واهم الدوريات الاوروبية mksabytv.com