جاري تحميل ... مكسبي سبورت

إعلان الرئيسية

إعلان في أعلي التدوينة

الصفحة الرئيسية ليه الأهلي دايما بيفوز ويكسب تحت أي ظروف

ليه الأهلي دايما بيفوز ويكسب تحت أي ظروف

حجم الخط

 

الأهلي

كتب: مصطفي حسن

موسيماني اللي في حد من جهاز الزمالك شتمه بعد الماتش طالع بيشيد ب شيكابالا وبيقول عليه لعيب كبير وبيذكر الزمالك وجهازه ب احترام رغم تعرضه للاهانه منهم . 


أفشه لما أتكلم بعد نهائي أفريقيا اول حاجه قالها قبل ما يتكلم عن زمايله أتكلم عن لعيبه الزمالك وقال أخواتنا ولعيبه كبيره وعملوا ماتش كبير وتصريحات قمه ف الادب والروح الطيبه . 


امبارح لما شيكابالا وقع لعيبه الاهلي طلعت الكوره رغم انه كان واقع وواضح ١٠٠٪؜ أنها تمثيل وان الكوره كانت مشروع هجمه خطيره .. الهجمه اللي بعدها لعيب من الاهلي وقع ولعيبه الزمالك كملت وراحت بهجمه عالجون . 


طارق حامد اللي متعود في كل ماتش معانا يعمل لقطه تتصور ويتقال عليه المحارب والجريتنا دخل ف كوره مع أليو ديانج كانت ممكن تتسبله في إصابه خطيره ورغم كده طول ال ٩٠ دقيقه ديانج مراحش عمل معاه فاول واحد مع ان ديانج لو فكر يعمل واحده من دول ممكن يبطل طارق كوره . 


كابتن فرقتك جاب جون وقف يقول انا واحد بس ومفيش مني اتنين ومشي يوزع نظرات الغرور والعظمه علي الكل والشاب الصغير اللي جاب الجون عندي جري راح لزمايله . 


لعيبه الزمالك بتعترض طول الماتش علي الحكم اللي محاسبش عليهم رميه تماس واحده غلط طول الماتش ولعيبه الاهلي هاديه ومش عايزه مشكله ولما اتحسب عليهم بلن ٥٠٪؜ من الحكام ممكن متحسبهوش محدش اعترض غير مجرد كلمتين وخلاص وفالوقت اللي دكه الزمالك كلها فوق رأس محمود البنا وهو بيبص ع ال Var دكه الاهلي محدش اتحرك من مكانه .


هات قناه الاهلي ف اي وقت قبل او بعد الماتش وشوف واسمع عدلي القيعي وروح هات قناه الزمالك واسمع خالد الغندور وشوف الفرق . 


دور علي تصريح واحد ل محمود الخطيب بعد ماتش امبارح ودور علي تصريحات اي رئيس للزمالك بعد اي مكسب يا راجل ده حتي اللجنه المتعينه عقليتهم كده ! 


٩٠ دقيقه محدش عندنا بيمثل ولا بيضيع وقت ولا بيخلق أزمه ... جبنا جون والتاني ومحدش عندنا راح ناحيه جمهور الزمالك يعمل نمره . 


محمد شريف مكانش صعب عليه يتريق علي جنش زي ما ساسي عمل مع الشناوي .. كان ساهل الفرقه كلها تقلع وتجري بعد الماتش ونعمل شغل حريم زي عبدالله جمعه . 


لو فهمت اللي فوق ده هتعرف احنا ليه ربنا بيكرمنا ف اي وضع وتحت اي ظروف وفوزنا بيكون بسيناريوهات تضاعف الفرحه ونادرا لما ربنا بيردنا مكسورين .

ليست هناك تعليقات
إرسال تعليق

إعلان أسفل المقال