جاري تحميل ... مكسبي سبورت

إعلان الرئيسية

إعلان في أعلي التدوينة

الصفحة الرئيسية سؤال بيدور فى عقول اغلب الاهلاوية يا ترى لو الدورى دلوقتى اتلغى حيبقى فيه بطل للدورى

سؤال بيدور فى عقول اغلب الاهلاوية يا ترى لو الدورى دلوقتى اتلغى حيبقى فيه بطل للدورى

حجم الخط


كتب: محمد المصري

✍️ فى المقال ده حرد على سؤال بيدور فى عقول اغلب الاهلاوية يا ترى لو الدورى دلوقتى اتلغى حيبقى فيه بطل للدورى و لا لا و مين البطل ، الردود الجاية كاملة مبنية على بنود لائحة اتحاد الكرة المصرى للدورى الحالى يلا نبدأ  : 

اولا : هل فى حالة إلغاء الدورى فالتوقيت الحالى حيتم تحديد بطل للدورى و لا حيتم الالغاء بدون تحديد البطل ؟ 

اللائحة بتنص على عدم تتويج اى فريق بالبطولة لو اتلعب اقل من 153 مباراة من اصلا 306 لكن فى حالة تخطى ال 153 مباراة يتم تحديد بطل للدورى و بما اننا عدينا بالفعل ال 153 مباراة اذن فى حالة الالغاء طبقا للائحة اتحاد الكرة لازم يتحدد بطل .

ثانيا : فى حالة الالغاء و تحديد بطل للدورى مين حيكون بطل الدورى فى ظل عدم تساوى الاهلى و الزمالك فى عدد المباريات اللى خاضوها ؟

حقلك ان اللائحة بتنص ان فى حالة عدم التساوى فى عدد المباريات بنرجع لمبدأ الجدارة الرياضية اللى بينص على الاتى : قسمة عدد نقاط كل فريق على عدد اللقاءات اللى خاضها و بتطبيقنا للمبدأ ده فالاهلى خاض 18 لقاء حصد فيهم 40 نقطة يعنى بمتوسط 2.22 نقطة اما الزمالك فخاض 20 لقاء حصد خلالهم 44 نقطة بمتوسط 2.2 نقطة و بكده و رغم الفارق الغير مؤثر فوجهه نظرك ده الاهلى حاليا اذا تم الغاء البطولة هو البطل .

اظن كده وضح لينا ليه اتحط معاد لمباراة الاهلى و الزمالك و لسه متحطش اصلا معاد لماتشين الاهلى المؤجلين قدام اسوان و المقاصة رغم انهم اجدر و اولى من حيث الترتيب اظن كده وضح ايه سبب كمية الاخطاء التحكيمية اللى صبت اخر فترة لصالح الزمالك و كانت ضد الاهلى اظن كده وضح ايه سبب كمية المباريات و الضغط الغريب فى جدول الاهلى اللى مش بيتعرضله اى نادى فالدورى ، مجاهد رسم الخطة و بتتنفذ بحذافيرها عشان النادى صاحب المؤامرات الكونية ميخرجش من الموسم بصفر بطولات بعد خروجه من افريقيا بفضيحة .
ليست هناك تعليقات
إرسال تعليق

إعلان أسفل المقال